BnF. Département des manuscrits. Français 24428

[col. 1]

& sont vnes genz orde & uis Nont fame espouse ne amie Porce que il ne croient mie Qui fame se puisse tenir A ·i· seul homme sanz failir Nont cure de fames forz tant Qengenrer enpuissent enfant Autres genz ira barbarins Qui se font clamer jacobins Por iacob· qui leur mestres fu & sont crestien corrompu Por les mariages quil font As sarrazins qui de pres sont & porprenent bien celes gens Qarante regnes de touz sens Ne croient pas confession A nul autre homme sadieu non Qant il se confessent a deu Pres diaus metent encens & feu & cuident que cele fumee Senvoist adieu por leur soldee Mais nest pas ensi com il croient Saint jehan baptiste mescroient Qui les baptiza premerains Car dire leur convenoit ains Touz leur pechiez a lui meisme & puiz recevoient baptisme Dont saint jehanz meisme dist Qui [que] qant li hom ses pechiez dist A j· autre· cele uergongne Quil a de dire sa besongne Li est en lieu de penitance & de ses pechiez aleiance & plus de pechier se retient

[col. 2]

Qant uoit que dire li covient A i· autre tout son afaire Ainz qenvers dieu se puisse traire Ce dist sains iehanz li baptistes Qui par baptesme nouz rent quites Enuers dieu de touz noz pechiez Par confession espurgiez donc cele gent sont deceu Qui malement ont retenu Cele part sont vne autre gent Crestien en dieu melx creant En bataille poissant & fort Que sarrazin doutent si fort Quil ne leur osent rien mesfaire Ainz leur sont douz & debonaire & sont tuit enclox environ De gens mescreanz & felon Cele gent sont bon crestien & ont anon georgien Car saint jorge apelent touz jours En batailles & en estours Contre payens· & si la ourent Seur touz les sains & si lonorent Si ont tuit reises leur corones Dont li clerc les portent reondes & li lai qarrees les ont Qant le sepulchre aorer vont Li sarrazin nen osent prendre Nul paage ne rien seur uendre Quil doutent qant il revenissent Que chier as autres nel vendissent les gentiz fames dou pais Sarment seur les chevauz de pris & se combatent as paiens

[col. 1]

Avoeques les georgiens Tuit leur leingage & leur lois Sone en meniere de grijois Des poissons dinde · En la Mer dinde a·j· poissons Qui ont peaus dont li polx est lons Dont les genz vesteures ont Por eaus vestir qant pris les ont i· poissons ira eschinus Menres dun pie qont tez vertuz Qe la neif a coi il se prent Ne puet aler narriers navant Sira autres poissons marins Qe les gens apelent delfins Qant les neiz sont pres de perir & la tempeste doit uenir Si saperent de liaue fors & ses longent as ondes lors Li plus granz poissons de la mer Que on sieut balaine clamer Si granz & si merveillex est Qerbe ·& terre tant seur lui trest Quil samble ·i· isle &·i· grant mont Dont la gent qui par la mer uont Sont aucune foiz deceue Qant cuident terre auoir veue Si font tant que la sesont trait & qant il ont fait leur atrait De feu· de loges· & dautra estre Com cil qa terre cuident estre Mais qant li poissons le feu sent Si sesmuet si soudainement & se fiert en leaue ẹṇparfonde Si que tout apres lui afonde

[col. 2]

Neiz ·& gent· ensi sont peri Qant cuident estre garendi Petite bouche a ce savons Ne prent que les petiz poissons Autres ira qont de puceles · Testes & cors jusqas memeles Li autre ont eiles doiseaus Sen est leur chans moult douz & beaus Seraines ensi les claimon Li vn dient ce sont poisson Li autre les voelent clamer Demoiseles or apeler Des arbres dinde · En inde sont arbre moult grant Paumier molt soef odorant Qui portent dates ·i· fruit plain & pommes de pommier si plain Longes qui moult bone oudeur ont & cent entienent en ·i· mont Dont les fueilles qui ensont nees Sont ·ii· piez longes & i· lees Autres pommes ia molt granz Dont li morz dun homme apert anz A tout les denz & les claimon Pommes dadan par teil raison Autre arbre isont pommes portanz Beles deforz tendres dedanz Les uingnes isont si portanz Qune seule grape est si granz Qe dui homme ensont tuit chargie De porteir a leur colx apie Petiz arbrissiaus iporton Chascuns qui porte le coton Si croissent vnes cannes granz

[Initial, col. 1, lines 4–5: Littera florissa /E/, 2 lines, in blue, ornamented with penwork in red with touches of blue, extending into margin to form partial border in red and blue]

[Initial, col. 2, lines 13–14: Littera florissa /E/, 2 lines, in red, ornamented with penwork in blue with touches of red, extending into intercolumnar space to form partial border in red and blue]

[col. 1]

Qui portent le cucre[cuere] dedens En babiloine a lun des chiez Croist li basins qui tant est chers & le [contiuent ?] crestien Dont li sarrasin dient bien Qui sovent lont fait esprover Que qant il lont fait [coutiver ?] A autres genz qa crestiens Si ne puet porter cel an riens En ce champ ou li basmes crest Dient qune fonteine inest Ou marie bengna son fil & de celi la rousent il Ne aillors nempuet on planter Ou il puisse nul fruit porter Autre arbre en cele terre sont Qen lieu de fuelle vne lame ont Dont on tist dras soutilx & beaus Por faire cotes & manteaus Si sont arbre qui portent fruit Soeif odorant qui par nuit Se repont en larbre· & revient Au matin qant li solaus vient & autres arbres irecrest Dont li charbons qui empris est Dure en la cendre ·i· an entier Sanz estaindre & amenuisier Cedre isont grant· & hebenus Dont on dist quil nemporrist nus Autre arbre glorieus isont Dont clou de girofle fait sont & noiz mugades & cubebes Dont les escorces sont keneles & la racine est citoaus

[col. 2]

& gingembres et garingaus La croissent les bones espices Dont nouz faisons ci noz delices Noiz icroissent grosses com pommes & autres comme testes dommes Des arbres q emparadis sont Ne savons nouz quel fruit il ont Cil dont eve ot si grant enuie Li autres est arbres de uie Dont nous parlames ca devant Des autres arbres ia tant Si delicieus & si genz Quil samble que diex soit laienz Maiz ilia si bone garde Quns angles dieu lentree garde Lespee en la main tout ardant Que nus si aille aprochant Ne beste ne mal esperit Por auoir laienz leur delit Deurope & de ses contrees Puiz Qaise deuisee auons Europe redeviserons Legierement por tost finer Car sovent en oons parler Li premiers lieus est romenie Coustentinoble vne partie Retecorinde & macedoine Thessale leoine & sapoine Sire est vne terre saine En pire sourt vne fontaine Ou on ne puet ardanz tisons Estaindre· ne les vis charbons En archadie a vne pierre Qon ne puet en nule meniere

[Initial, col. 2, lines 20–21: Littera florissa /P/, 2 lines, in blue ornamented with penwork in red with touches of blue, extending into intercolumnar space to form partial border in red and blue]

[col. 1]

Estaindre puiz quele est emprise Tant que toute est encendre mise Puiz est danemarche & hongrie Osterice· & puiz germanie Qui vers occident a maint raigne Si est soave & alemaigne Ou la dinoe une eaue cort Qen ·vii· flueves se done & cort Islande· escoce· & engleterre Toute france·& toute la terre Qui est· iusqas mons de montgieu I tant tient europe de lieu Daufrique ·& de ses contrees Apres europe rest aufrique Dont li premiers chiez est alibe Une terre riche & garnie & puiz la terre de surie Jherusalem · & li pais La ou dex fu & moiz & vis Grece lombardie & espaigne Gascongne· pise & toscaigne Alixandre et maint bon pais Autre que ie ne vous devis Si a citeiz & regions Qui de bestes prennent leur nons Qui habicent en ce pais Dont les citez formes ontpris Dont Romme a forme de lion Troie de cheual ce dist on Ethiope rest vers la fin Daufrique qui ilues prent fin En ce pais a vnes gens Plus noirs que poiz ne airemenz Car il fait si chaut cele part

[col. 2]

Quil samble que la terre art Dela ethiope na riens Forz desers & terre sanz biens Des illes & des regions · Puiz que descrite avons la terre Si devons des illes enquerre Celes que nouz savons nomer Dont ilia maintes par mer Encontre europe est avidos Une grant ille ·& puiz colcos Ou la toisons dor fu trovee Si com laventure est trovee En cele estoire de jason Une autre ille qanon aron De celi fu sains denis neiz Qui enfrance fu decoleiz Contre aise en a cinquante quatre Mais dou conte volrons abatre Car toutes pas nesnommerons Une iest· delos est ses nons Qapres le deluge aparut Premierement qant il descrut Une autre ira qanon melot Por la melodie qon ot Dou douz chant doiseaus par laiens Ou pais croist li marbres blans Si est lille qanon psalmos Dont sebile fu qui mains mos Profetiza de ihesucrist Grant tens devantce quil naquist A romme· ou ele fu mandee En cele ille fu controvee La meniere de pos de terre Qon fait encor en mainte terre

[Initial, col. 1, lines 13–14: Littera florissa /A/, 2 lines, in red, ornamented with penwork in blue with touches of red, extending into margin to form partial border in red and blue]

[Initial, col. 2, lines 4–5: Littera florissa /P/, 2 lines, in blue, ornamented with penwork in red with touches of blue, extending into intercolumnar space to form partial border in red and blue]

[col. 1]

De celi fu pitagoras ·j· filozofes qui les cas & les poins troua de musique · Une autre ille ra en aufrique Sardaine· ou une herbe croist tost Qui la menjue si mort tost · Une autre qanon b[er?]tula Ou serpens ne uermine na Une† en ira colombine† autre De serpens plaine & de vermine Une autre en ira longe & lee Ou la fonde fu controvee Celi si a anon baccares Siest lille de moroes Qui enmi le ior na point dombre Encele a i· puiz qui par nombre A i· pie large & cent parfons Dou li solaus luist jusqau fons Une autre i ra qanon cilla Ou cyclopien furent ja Une ille a cele part sigrant Si com platons nouz va disant Qui fu clers de si tresgrant pris Qencele ille ot plus de porpris Qeneurope · nenaufrique toute Mais puiz fu si toute deroute Si com diex volt· quele fondi & est la mer betee enqui Une autre ille est que on ne puet Veoir qant ele aler sen uuet & aucune foiz est venue Si lapele on lille perdue Cele ille trova trova sainz brandains Qui maintes merueilles vit ans

[col. 2]

Si com sa uie le deuise Qui savoir la vient si lalise Pardeca ra[?] mainte belle isle Cele de chipre & de sezile & autres maintes par la mer Quil ne covient pas ci nomer & si ne vouz merveilliez mie Saucune foiz avez oie Qui vouz soit salvage & diverse Car dex encui touz biens converse A fait meinte merveille en terre Dont nus ne puet raison enquerre Porce ne convient rien mescroire Tant con seit selest fause ou voire Nest pas maus se li hom mescroit Mais qencontre la foi Ne soit Mais quil i puisse aucun sens prendre Car bien fait ce a lomme entendre Dont nest pas esbahiz si tost Autrefoiz qant parler en ot Ausi com il nouz samble ci Quil ait granz merueilles iqui Ausi resamblil ciaus de la Quil ait granz merueilles de ca & molt fort diuerses leur sont Por ce que po veu en ont Si ne se doit merueillier mie Li hom sil lait a la folie Riens dont ainz noi raison rendre Car ades puet li hom aprendre Nus nest qui puisse Savoir tout Forz dieus·qui regarde par tout Ligieutatant qen aucuns lieus sont Denouz molt grans merueilles ont

[catchword:] qui si sommes