BnF. Département des manuscrits. Français 24428

[col. 1]

Dime [R]oine qaise ot non· Dame de cele region Autant tient despare cil lieus Comme fait cil des autres deus Porce aise la grant a non & dure des septemtrion Par orient jusqamidi Si com ceste figure ci·

Lautre partie ra son non Dun roi qui europes ot non & porce fu ele apelee Europe· & si est sa duree Docident en septemtion & marche a aise par enson Lautre est aufrique qui sestent De midi visqen occident Aufrique denfer est nommee Qui vaut autant comme aportee Ensi en troiz parz se devise Donc ceste figure est devise

[col. 2]

De ces troiz parz qui sont nommees Tient chascune maintes contrees & maintes longes regions· Dont nouz dirons auques les nons & des bestes les nons daucunes Qui en pais sont plus communes & dirons daucunes les formes Qui sont veues plus par homes / De genz· de bestes· de poissons Qui sont en ices regions Si com li livres les devise Dont ceste mape fit or prise De paradis terrestre Lapremiere regions daise Est paradis ·i· lieus plains daise Se plains de joie & de soulaz Qe nus ni puet devenir laz Nenuiellir de nule partie Laienz est li arbres de vie Que auroit mengie de ce fruit James ne morroit jor nenuit Mais aler nus hom ni porroit Sangles ou diex ne li menoit Car touz est clox de feu ardant Qui uisqa nues vait flammant Laienz une fontaine nest Qen ·iiii· fluns devisee est Dont li uns deaus cyson anon Ou gaies· ensi lapelon Senvait par inde long & pres & sourt dun mont orthobares & sourt par devers orient & chiet en la mer docident Li autres gyanz ou nilus

[Diagram: col. 1, lines 9–15: 7 line circle bisected laterally in two hemispheres, gold and blue, inscribed, blue on gold: (label: oriens / aise lagrant / septem / ·mi), inscribed, white on blue: (label: trion· dis / occidens)]

[Diagram: col. 1, lines 28–34: 7 line circle divided in three parts, a red hemisphere at top—inscribed, in white: (label: oriens·/aise lagrans·)—and two quarters below in blue and yellow, inscribed, in white and black: (label: septem/trion/europe), (label: midis: aufriqu), (label: occidens)]

[Initial: col. 1, lines 14–16: Littera florissa /L/, 3 line, in red, ornamented with penwork in blue with touches of red, extending into left margin to form 1-sided border in red and blue]

[Initial: col. 2, lines 1–2: Littera florissa /D/, 2 line, in blue, ornamented with penwork in red with touches of blue, extending into intercolumnar space to form partial border in red and blue]

[Initial: col. 2, lines 14–15: Littera florissa /L/, 2 line, in red, ornamented with penwork in blue with touches of red, extending into intercolumnar space to form partial border in red and blue]

[col. 1]

Rentre en terre un petit ensus & par dedenz terre sencourt Tant qa la rouge mer resourt & europe tonte avirone Si qen vii· parties se done & vair par egypte corrant Tant quil rechier en lamer grant & tyris ·& donc eufrates Sourdent en hermenie pres Dunt grant montaigne environ Qui mons perthoacuz anon & senuont par maintes contrees Jusqa tant quil ont encontrees La mer moiene ou il se fierent Si com leur natures requierent Deca paradis tout entour A lieus molt divers par entor Car nus hom niporroit trouer Point de son vivre nabiter Forz les bestes crueuses fieres Qui la sont de maintes menieres La sont iaiant et chenelieu Qui tout devorent comme leu· De la contree dinde & de ses choses Apres ment la contree dinde Que dune eaue qui anon inde Qui sourt devera septemtrion En midi prent ele cel no[n] Ceste inde est close tout e[n]tor De la grant mer qui fait sontour En inde siet probane une ille Citeiz ia & mainte ville Qui chascun an a ·ii· esteiz & ·ii· yvers si atrempreiz

[col. 2]

Quilia verdure touz jors En arbres· en fueilles· en flors Dor & dargent plenteureuse & dautres choses eureuse La sont les granz montengnes dor De pierres· & dautre tresor Maiz niose aprochier nuz hons Por les dragons & les grifons Unes bestes isont sauvages Qui ont cors de lions volages Qui bien enportent tour armei I· homme qant la atrapei Sira samblent si esperitable Qe suns hom sestoit dedenz nus Il diroit cestroit paradis Dinde si naist ·i· tesgranz mons Qui est une granz regions Qon apele mont capyen Iluec a unes genz sanz bien Qalixandres li rois enclot & sont la gent got & margot Qui char domme menjuent crue & bestes com gent mescreue Ceste inde dont nouz vouz disons Contient ·xiiii· regions Ou en chascune a molt de ianz & a bois si bauz & si granz Quil avienent jusques as nues Iluec sont unes genz menues Qui nont de grant forz que ·ii· coudes & vont ensamble par granz routes & souentes foiz se bataillent Contre les grieus qui les assaillent

[Intial, col. 1, lines 24–25: Littera florissa /A/, 2 lines, in blue, ornamented with penwork in red with touches of blue, extending into left margin to form 1-sided border]

[Intial, col. 2, lines 17–18: Littera florissa /D/, 2 lines, in red, ornamented with penwork in blue with touches of red, extending into intercolumnar space to form 1-sided border]

[col. 1]

Mais dedenz · vii· anz enviellissent & de leur vies si fenissent Cele gent ont anon pigmain & sont tuit petit comme nain Vers ciaus croist li poivres siblanz Mais lavermine iest si grans Quiliconvient le feu bouter Por la vermine forz oster & qant il est bruleiz einsi Si le truenon crespe & nerci Autres genz ia qon apele Groing· & brehaing anquis plus bele Qui por la vie autrui garir Se metent en feu por morir Si resont encor autres genz Qui pere·& mere·& leur parenz Qui viel sont & pres de leur mort Sacrefient soit droit ou tort Puiz si en menjuent les chars & tienent por felons eschars Touz ciaus qui ce ne font des leur Car il tienent cien ahoneur & a largesce & a grant bien Por ce lefait chascuns dousien Vers orient a une gent Qui le soleil tant seulement A orent· & por dieu le tienent Por les biens qui par lui [? enujenent] & porce qaumonde ne voient Si bele Rien porce le croient Autres genz ira touz velus Que les poissons meniuent crus & si bovient lamer salee Sira devers cele contree

[col. 2]

Bestes·& homes lameitie & genz qont ·viii· doiz en ·i· pie Moustres ira orribles bestes Qui domme ont cors· & de chien testes Qui a leur ongles tout arrestent & de piauz de bested se vestent Voiz ont si com abai de chien Siresont li ciclopyen Que de corre passent levent & nont qun seu pie seulement Dont la plante [&] si longe & large Quil sencueure com dune targe & senombroie por lechaut Qant deseur lui le tient en haut Autre iresont qui nont qun oeil Enmi le front cler & vermoeil Sira uns autres qui le vis & la bouche ont enmi le pis & i· oeil en chascune espale Qui en la bouche li avale & ont soie seur le musel Ausi com de dos de porcel Sira vers le flueve de ganges Unes genz sauvage & estranges & ont droite figure domme Que de loudour daucune pomme [Vuient] sanz plus & sil vont long La pomme leur a teil besong Que se male [puor] sentoient Sanz la pomme tantost morroient En inde a serpenz de tel force Des serpens Que les cers deueurent aforee dinde · Sira une autre beste encore Cui on apele centicore

[Intial, col. 2, lines 31–32: Littera florissa /E/, 2 lines, in blue, ornamented with penwork in red with touches of blue, extending into intercolumnar space to form partial border]

[col. 1]

Qui a corne deseur le vis & de lion cuisses & pis Pie de chaval oreilles granz Qui li croissent en lueil dedanz Bouche Reonde et le musel Ausi com le chief dun tonel Les ex lun de lautre molt pres & lavoiz dune homme abien pres Sira une autre fiere beste Cors de cheval desaingler teste & la qeue dun olifant Deus cornes dun coute de grant Dont lune seur son dos abat Tant com de lautre se combat Noirs est & beste molt orrible En eaue & en terre [penrible] Si sont torel qui tuit blo sont Qui grosse teste en la bouche ont Si large qen la fendeure Des lune oreille en lautre dure Cornes qenviron lui remuet Prise; nus douter ne la puet En inde une autre beste Ra Qon apele maticora Vis dome· &· iii· ordres de denz Li sont en la bouche dedenz Ex de chievre cors de lion & la qeue dun scorpion Voiz de serpent qui par douz chant A trait & devore la gent & est plus [isuele] daler Que nus oisiaus nest de voler Buez ia qui piez reons ont & ·iii· cornes enmi le front

[col. 2]

Une beste ira de [biau] cors Qon apele monocherors Cors de cheval piez dolifant Teste de cerf voiz clere & grant Qeues autex com truies ont & une corne enmi le front Qui bien a delonc ·iiii· piez Droite & ague com espiez Qe qanqueele ataint devant li Deront & pierce tout parmi Sele est prise par nul engien Si se lait morir de desdien Mais ele ne puet estre prise Forz par virge bele adevise Bien paree qonli descueure & cele son giron li weure Lors senuient la beste tantost Vers la pucele si sendort Enson giron molt simplement & lors la prent tout endorment Unes ganz bestes ra en inde Trop fieres· qui ont couleur inde & cleres raches par le dos Qui sont si crueuses & fors Tygres einsi les apelon & corrent de si grant randon Qui qant li veneor [ivont] Por [peure] autres bestes qi sont Jamaiz diluec neschaperoient Se par la noie ne getoient Mireoirs de voirre & convoient Leur ymages· & ses conioient Cuident ce soient leur foon Si ont entour & environ [/]

[col. 1]

& tant les defoulent as piez Qui quasseiz les ont & brisiez Lors se ne trueuent rien enqui & cil seneschapent einsi & souuent ensont si espris Qon lesporroit penre touz vis Sira une autra beste encore Cui on apele le castore Qui qant on le chace por prendre Si se chastre as deuz por atendre & laissent ceus cil qui le quierent Einsi asauvetei se sierent · Une beste petite ira Comme suriz qune bouche a Qon apele muscaliec Cele part sone li arbre sec Qui parlerent a alixandre Une beste ira salemandre Qui de feu vit & si sempaist De cela une lame naist Dont on fait ceintures [ydras] Qenfeu durent nenardent pas Sira unes suris si granz Comme granz chas forz & coranz Li lion sont vers orient Qont piez·& [qeue]·& piz devant Plus ont force que autre beste Autiers ior vient ses [o?]foons pestre Si com resuscitez de mort Les elx tient overs qant il dort La trace de ses piez deffait A la queue qant il [seuvait] Por les veneors qui por prendre Le chat lieut por [mengre] ou vendre

[col. 2]

Ne grieve homme sire na grant Qui que lassaille il se [delfant] Son maistre crient qant bat ·i· chien Devant lui & lequenoit bien La lionesse au premier an A ·v· foons· & puiz chascan En a ·i· mais tant qenlafin Vait la porteure a declin Laianz une beste trop fiere Ira petite & trop cruiere Qe [nule] beste sure nest Devant li· de tel nature est Qe li lions la doute & fuit Car sovent locist & destruit Une autre cele part converse Qui a meinte couleur diverse Blanche· noire· si comme pointe Penthere anon bele est & cointe & naist si granz oudeur de li Qe les bestes nont apres li Qant une foiz sa saoulei De sa venison qa trouei Si dort ·iii· jours entierement & qant sesuoille une oudeur rent Si soeif de la bouche forz Qe les bestes icorent lors Por sentir cele bone oudeur Forz quns serpens acui douceur Grieve si[;] quil en muert souent Cele beste na seulement Qune foiz foons·& qant doit Fooner· si a teil destroit Qal ongles ront sa marriz lors Tant que li foon en sont fors·