BnF. Département des manuscrits. Français 24428

[col. 1]

Ou maint von clerc mirent leur cure A ce quil peussent descrire Comment il peussent melx dire Que nature est & plus briement Sendist platons premierement Qui plus fu de grant renommee Cest puissance enchoses entree Qui samblant par samblant fait nestre Lonc ce que chascune puet estre Si puet on ce par ce entendre Par ·i· homme qui autre engendre Par bestes· plantes· et semances Qui naissent selonc leur samblances Tant endist icil philozofes & tant enredist aristotes / Que fu ses clers que ce estoit Principes qui vertu donoit As choses dester & monoir A cui dex dona tel pooir Si com on voit quant riens semuet Qui ester & mouoir se puet Maint luire de nature enquist Aristotes· qui tant endist Puiz endirent autre plusor Que ce est vertuz de chalor Qui fait ester chascune chose Si nendirat or autre chose Cist [ensieuirent] melx platon Qaristote De sa raison Ensi en dirent leur samblant & asseiz endirent autant Lonc ce que chascuns en puet dire Car ce ne puet nus contredire Maiz nus nentent bien que ce soit

[col. 2]

Forz deu qui tout seit & tout voit Qui premiers lavolt establir Por toutes choses acomplir Si pueton bien par ce savoir Que mult et dex de grant pooir & mult est granz chose de lui Quant tel chose fist sanz anui Qui si est de poissant afaire Porce meisme volt il faire Lomme quil en est si poissanz & quil eust enlui tel sanz [Quae ?] il [squiggle] par nature seust Chose qui grever li peust Alarme· ne envers deu nuire Il se puet bien ensi conduire Se bien vient son cuer eslever Que nature nel puet grever Por ce furent les ars tro[uve]s Por oster les males pensees Qui puet le mal a mal conduire Car par les arz les puet destruire Ensi puet muer son malestre Par ensegnement de bon mestre Por ce fait bon entre les bons & leissier les males raisons Si est sages qui son preu fait Si que apres samort melx ait & si que dex le tiengue apreu Si aura fait plus de sonpreu Que de lautrui se sachil bien Car il enaura tout le bien & folx est qui le cors tant aime Qui len oblie asauver same Que dex por ravoir li presta

[col. 1]

& il fait tant que maufetz la Il fait com li malvaiz serianz[?] Cui ses sires presta bezanz Por le monteplier en bien Maiz il ne le fist mie bien Com cil qui fu de malefoi Dont chaciez fu ensus defoi Nainzpuiz not forz reproche & honte Si com leuuangile nouz conte Ensi sera de ceaus sanz faille Qui laissent le grain por la paille Si com cil qui laissent perir Larme por faire leur desir Deleur cors· dont touz maus lennaist Maiz atant li contes sentraist? Por deviser de la faiture · Ici des arz & de nature Dou monde coment ilest faiz Par nature & de deu portraiz Qui par son saint commandement Fist le monde & ce quiapent & tout fu fait a son devis Or oiez ce que iendevis De la forme dou firmament Dex forma tout entor lemonde Come pelote quest reonde Le ciel reont de toutes parz [Que] entor la terre est esparz Entierement sanz deninaille Tout auiresi leschaille Deleuf qui tout entor se done Tout ausi li cieus avirone I. air qui est seur cestui er Qui en latin anon ether

[col. 2]

Cest adire purs airs & nes Car de pure purtei fu fes Cist airs sesioit & nuit & jor De perpetuel resplendor & est si cleirs et si luisanz Que suris hom iestoit menanz Il verroit tout· & un & autre Qanquil a des lun chief alautre Ausi legierement ou plus Com .i. hom verroit de caius Devant ses elx ·i· seul pie long Ou mains· sil enavoit besong Ausi vois di qui la seroit Tout partout veoir il porroit Ausi bien delong com depres Tant est cil airs & purs & nes De cestui echeir leur cours prennent Li angle & leur eiles enpennent Vienent en terre ou sont tramis Aciaus cui dex tient por amis Qaut il leur vieut rien demonstrer & por ce samblent il si cler Que li oil domme pecheor Ne pueent soufrir lesplendor Ne regarder cele clartei Com cil qui est plains doscurtei Cest cil qui est plains de pechiez Qui ena este chastiiez Si en est sovent avenu Qant li angle estoient venu A aucun home en aucun lieu Por orr la volentei dieu Qansi com endormis cheoit Por la parole quil ooit

[Intial, col. 1, lines 24–26: Littera florissa /D/, 3 lines, in red, ornamented with penwork in blue with touches of red, extending into left margin to form partial border]

[col. 1]

De langle ensi come ensoviant & estoit touz mus jusqua tant Qui li angles sen reperoit & li preudons se resveilloit Acui sovenoit bien dou dit Qui li angles li avoit dit Ensiz vouz di certainement Nus ne porroit corporelment Soustenir en nule meniere De celi clartei la lumiere Qui pres est dou saint ciel lassus Donc nouz somes si tresensus Ne riens corporex ne porroit Soi sostenir en nul endroit Puiz quele fust de rien pesanz Ne nus oisiaus tant fust volanz Ne se porroit la soustenir Qaval nel convenist venir Tout droit ausi com une pierre Jusqa celair entel meniere Ou son vol reporroit reprendre Sesbahiz nestoit de descendre Car riens demorer ni porroit Sesperitez chose nestoit Ne plus niauroit de son vivre Ne que li poissons porroit vivre Encest air· ne lui soustenir Qaval nel convenist venir Tost iest devenuz porriz Senliane nest ades norriz De nouz vouz di tout autresi Menoir ne poiriiens ici Ne vivre en lieu esperitel Tant com nouz aions cors mortel

[col. 2]

Coment li ·iiii· element sont assis· Cele clartei dont dit anon Qui airs esperite[l]s anon Dont li angle pretinent atour Auzronent trestout entour Li quatre element que diex fist Qant lun par dedenz lautre mist Cest seuz· & airs· & iaue & terre Dont luns dedens lautre se serre & luns en lautre enmi se tient Que laterre enmilieu se tient Li feuz qui est premierement Enclot cest air entierement Si que la terre est tout enmi Qautant a de ciel desouz li Touzjors· com ila par desus Ceste figure en monstre lus Coment la terre se tient enmi le firma ment Porce que la terre est pezanz Plus que nus des· quatre elemanz Se tient ele plus bas enmi & ce quest legier entour li Car quanque poise plus bas trait & quanque moins poise au trait Porce nouz convient joindre ali & quanque [iest] atrait [deli] Se tel chose avenir peust Qe[n]nul lieu seur terre neust

[Intial, col. 2, lines 1–2: Littera florissa /C/, 2 lines, in blue, ornamented with penwork in red with touches of blue, extending into intercolumnar space to form partial border in red and blue]

[Intial, col. 2, lines 24–25: Littera florissa /P/, 2 lines, in red, ornamented with penwork in blue with touches of red, extending into intercolumnar space to form partial border in red and blue]

[Diagram, embedded in col. 2 at lines 18–23: terrestrial sphere with five zones coloured, outer to inner, gold, red, blue, white, and red earth; labelled, outer to inner, (label:li pure airs), (label:feus), (label:airs), (label:eaue), (label:terre)]

[col. 1]

Ja nule rien qui destornast Voie quel part que on alast On porroit aler environ Toute la terre ou beste ou hom Sus & jus quel part quil volroit Ausi comme une mouche iroit Entor une pome reonde Ensi porroit a la reonde Uns hom tant com la terre dure Tout entor aler par nature Si comme desouz vouz venroit Il li sanibleroit tout adroit Que nouz fuissienz dedesouz lui Si com il sambleroit de lui Que ses piez leiz les noz tendroit & la teste vers le ciel droit Ensiz comme nouz faisons ci Les piez seur terre vers lemmi & sil aloit ades avant Droit devant lui il iroit tant Quil revenroit au lieu premier Do[n] il se prist a eslongier & a la premiere estature Ou il fust einsi par nature Que diu homme se desseurassent Li uns de lautre & sen alassent Li uns ades vers orient & li autres vers occident Si qandui igaument alassent Il convenroit quil sencontrassent Desouz le lieu ou il sesmurent & puiz laou premerains furent Si revenroient pardevant Andui einsi comme devant

[col. 2]

Car lors auroit chascuns ·i· tour Fait par deseur la terre entour Ansi comme entour une Roe Qui seur la terre gerroit coe Einsi entor la terre iroient Com cil qui ades se tenroient Droit vers le milieu de la terre Car toutpres devers li se serre & qui plus poise plus pres trait & plus pres dou milieu se trait Car com plus chieveon dedens Plus trueve on terre presens Por entendre les aleures Poeiz veoir ces ·ii· figures·

Mais por la chose melx entendre Poeiz un autre essample prendre Se la terre partie estoit Par enmi lieu trestout endroit Si que on veist tout parmi Le ciel dautre part desouz li & on getast une pierre anz Ou une plommee pezanz Qant enmi la terre vendroit Ele se tenroit enqui droit Que plus ne porroit avaler Ne qele porroit haut monter Forz tant que par son fort cheoir

[Diagram, col. 2, lines 14–20: two circles, side by side, both blue at center with white rims, the rims with gold splotches (perhaps letters), the right circle with black ink infill (possibly added later); numbered with blue in right margin: ii, iij]

[Initial, col. 2, lines 21–22: Littera florissa /M/, 2 lines, in blue, ornamented with penwork in red with touches of blue, extending into intercolumnar space to form partial border in red and blue]

[col. 1]

& enlafin de ceste lingne Si comme ele va droit par lingne Une [citei ?] veoir poom Qui aaron tout droit anon Cele siet enmi lieu dou monde & fu faite toute reonde La fu trovee astronomie Premierement par grant mestrie Cil lieus estdis li droiz midis Car enmi le monde est assis Li autres chiez de cele lingne Qui [devers] senestre se lingne Apeleon septentrion & prent de set estoiles non Qui se torne vers latremaine Qui par meir les [maroners] maine & lautre lingne qest enmi Qe li midis trenche parmi En lafin devers orient Si com li autour vont disant Cest li terestres paradis Ou adanz fu criez iadis Cil lieus est orienz clameiz Car la nouz est li solox neiz Qui le ior nouz rent environ Lautres chiez occidenz anon Midis li tierz et puiz le quartzt Ra septentrion en sa part Que vouz par ceste ensengne Veoir quele La nous Ensegne

[col. 2]

Cil quatre lieu que ie deus Qui enun [quartre] sont assis De etoute la terre dou monde Dovient avoir forme reonde Car nature done et raisons Qui touz li mondes soit reons Porce ce quartier entendez Si com touz fu a reondez Ou faisons donc de ce [quartre] Un cercle & ne soit pas entier & i· cercle dedenz la lingue Qortens & occidens signe Por les figures a droit metre Dont ceste figure soit mestre

Apres soit chascune Partie· Arriere vers son non Vertie· Dont chascune sera li quarz Sensoit ceste figure esgarz·

Touz cil liens qui est habiteiz Si est en ·iii· parz deiuseiz Por ce convient par tel raison Faire une autre devision Dont laparz devers orient Est apelee aise la grant

[Diagram: col. 1, lines 30–34: 6 line yellow orb set inside orange-red semi-circle, inscribed in blue, clockwise from 12 o'clock: (label: oriens), (label: occidens), (label: septentrion), (label: midis drois); on yellow orb: (label: terre)]

[Diagram, col. 2, lines 15–20: gold orb on red ground with quadrants set inside a blue half-circle, inscribed in blue: (label: oriens), (label: occident)]

[Diagram, col. 2, lines 22–28: 6 line: yellow orb with offset quadrants, inscribed in black, clockwise from 12 o'clock: (label: oriens), (label: septentron), (label: occidens), (label: midis)]

[Intial, col. 2, lines 1–2: Littera florissa /C/, 2 lines, in blue, ornamented with penwork in red with touches of blue, extending into intercolumnar space to form partial border in red and blue]

[Intial, col. 2, lines 15–16: Littera florissa /A/, 2 lines, in red, ornamented with penwork in blue with touches of red, extending into intercolumnar space to form partial border in red and blue]

[Intial, col. 2, lines 29–30: Littera florissa /T/, 2 lines, in blue, ornamented with penwork in red with touches of blue, extending into intercolumnar space to form partial border in red and blue]