56r La Nouvele Complainte doutremer
Facsimile
Que je ne porroie ⋅ retraire
Car Diex vos rent ⋅ la faucetei
Par jugement ⋅ car achatei
Aveiz enfer ⋅ et vos laveiz
Car ceste choze ⋅ bien saveiz
Diex rent de tout ⋅ le guerredon
Soit biens ⋅ soit maux ⋅ il en a don
Riche borjois ⋅ dautrui sustance
Qui faites Dieu ⋅ de vostre pance
Li povre Dieu ⋅ chiez vos saunent
Qui de fain muerent ⋅ et geunent
Por atendre ⋅ vostre gragan
Dont il nont pas a grant lagan
Et vos entendeiz ⋅ au mestier
Qui aux armes ⋅ neust mestier
Vos saveiz ⋅ que morir couvient
Mais je ne sai ⋅ cil vos souvient
Que luevre ensuit ⋅ lome et la fame
Cil at bien fait ⋅ bien en a larme
Et nos trovons bien en escrit
Tout va fors lamour JhesuCrit
Mais de ce ⋅ naveiz vos que faire
Vos entendeiz ⋅ a autre afaire
Je sai toute ⋅ vostre atendue
Dou bleif ameiz ⋅ la grant vendue
Et chier vendre ⋅ de si au tans
Seur lettre ⋅ seur plege ⋅ ou seur ⋅ nans
Vil acheteir et vendre chier
Et uzereir et gent trichier
Et faire ⋅ dun deable deus
Por ce ⋅ que enfers ⋅ est trop seux
Jusqua la mort ⋅ ne faut la guerre
Et quant li cors ⋅ est mis en terre
Et hon est ⋅ a losteil venuz
Ja puis nen iert ⋅ contes tenuz
Quant li enfant ⋅ sunt lor seigneur
Veiz ci conquest ⋅ a grant honeur
Au bordel ⋅ ou en la taverne
Qui plus tost puet ⋅ plus ci governe
Cil qui lor doit ⋅ si lor demande
Paier covient ce com commande
Teiz marchiez font ⋅ com vous eustes
Quant en votre autoritei fustes
Chacuns en prent ⋅ chacuns en oste
Enz osteiz pluet sen vont li oste
Les terres ⋅ demeurent en friche
Sen sunt li home estrange riche
Cil qui lor doit paier nes daingne
Ansois couvient ⋅ que hon en daingne
Lune moitie ⋅ por lautre avoir
Veiz ci la fin ⋅ de votre avoir
La fin de larme ⋅ est tote aperte
Bien est qui li rant ⋅ sa deserte
Maistre doutre meir et de France
Dou temple ⋅ par la Dieu poissance
Frere Guillaume de Biaugeu
Or poeiz veioir le biau geu
De quoi li siecles ⋅ seit servir
Il nont cure ⋅ de Dieu servir
Por conquerre ⋅ saint paradis
Com li preudome de ja diz
Godefroiz ⋅ Buemons ⋅ et Tancreiz
Ja niert lor ancres ⋅ a encreiz
En meir ⋅ por lor neif rafreschir
De ce ce vuelent ⋅ il franchir
Ha bone gent Diex vos sequeure
Que de la mort ne saveiz leure
Recoumanciez ⋅ novele estoire
Car Jhesucriz ⋅ li rois de gloire
vos vuet avoir ⋅ et maugre votre
Notes and Questions
Please sign in to write a note for this page
DR. FÉOD. "Sujet d'un seigneur (d'une classe intermédiaire entre les hommes libres et les serfs) résidant sur une tenure qu'il exploite, moyennant une redevance, et à laquelle il est lié (il ne peut la quitter qu'en se procurant un successeur), soumis à la taille et à certaines obligations vis-à-vis du seigneur"
http://zeus.atilf.fr/scripts/dmfX.exe?LEM=h%F4te;XMODE=STELLa;FERMER;;AFFICHAGE=0;MENU=menu_dmf;;ISIS=isis_dmf2020.txt;MENU=menu_recherche_dictionnaire;OUVRIR_MENU=1;ONGLET=dmf2020;OO1=2;OO2=1;OO3=-1;s=s10070e0c;LANGUE=FR;