14v

Ja por paor · de la marine
Ne laisseroient · cest aroi

Li rois · qui paiens asseure
Pence bien · ceste encloeure
Por ce tient il · si pres son regne
Teiz at alei · simple aleure
Qui tost li iroit · lambleure
Seur · le destrier a lasche regne
Corte folie · est plus seigne
Que longue · de fol consoil pleigne
Or se teigne · en sa teneure
Soutremeir · neust fait estreigne
De li miex en vausist li reignes
Cen fust la terre · plus seure

Mes sires Joffrois · de Sergines
Je ne voi · par desa nul signes
Que hon · orendroit vos secore
Li cheval · ont mal enz eschines
Et li riche home · en lor poitrines
Que fait Diex que nes par aqueure
Ancor vanra · tot a tenz leure
Que li maufei · noir comme meure
Les tanront en · lor decepline
Lors auront il non chantepleure
Et senz secours · lor corront seure
Qui lor liront · longues matines ·
Ex pli cit