f 31v

but þay drink good beu[er]age & swete þ[a]t is made of cala
mele þ[er] of is sugir made also it falliþ su[m]tyme þat
c[r]istyn men become Sarzenys þorw pou[er]te or symplesse
or wykednesse & þ[er]fore larschenyn whan he reseuyth
ham he sayþ þus la elles ella macomet roses alla þat
is to say þ[er] is no god but on and macomet ys messager
& now I haue tolde ȝow ap[er]ty of hare lawe & of hare
customys I schal say ȝow of hare lettris þ[a]t þay haue
wiþ hare namys an þe man[er] of figuris what þay be
Almoy bethath cathy Ephoty belfoy fothy garophy
hechum iocchy kaythy lothum malach nabalot orthy
chosery ȝoch but holat routhy Salathy thatm[us] irchou[n]
aȝaȝot arocchy ȝochypyn ichet[is] þese beth the namys
now schal ȝe know the fyguris ȝ a b [symbol] n i C S n x
he [symbol] x h + k v s R [symbol] x h [symbol] t s þese iiij lettris þay haue
more for diu[er]site of hare langage for as moche as þay
speke in ynglond ij lettris more þan þay haue in hare
a b c þ[a]t is to say y & z þ. þat beth callid thorn & ȝoh .
And sethyn I haue deuysid ȝow before of þe holy lond
and contreys abowte & many weyes þedir & mou[n]t
Synay to babyloyn & oþ[er] placis þ[a]t y haue of spoke now
I wil speke of ylys & diu[er]se bestis & diu[er]se folk for in
þese þat beth dep[ar]tyd w[i]t[h] iiij flodis of p[ar]adis þ[a]t beth cony[n]g
owt of p[ar]adis terest[re] for mesopatayne & þe kyngdome
of caldee & araby beth be twene ij flodis tygir & eufrate
& þe kyngdom of medy & persy beth be twene ij flodis
tygir & nyle & þe kyngdom of Surry & palestyne & Sumes
beth betwene eufrate and þe see meditarane & hit ys of
lengþe fro marroch on þe see of Spayne vnto þis grete
see & so lestyth hit beȝond constantinople iiij Mill xl
myle of lumbardy and to þe see occeane in ynde ys þe