Page 52

Item so nimb sechs hyenner bradts an einem spieß
nimb eyer klopf dar weiß besonnder, unnd auch die
dotter besonnder, nimb ein schönn meell mach ein düns
teüglein an, bestresich das hun darmit, nimb die dott=
er mach auch ein teüglein an, bestreich das annder
hun darmit, gilbs ein wenig, die dritte farb mach
allso, nimb pettersillgen, unnd pinnest kraut, stoß
klein, treibs mit eyern durch, thue auch ein wenig
meell dar ein, allso hast du die dritte farb, die
vierdt farb mach allso, nimb weixell latwergen
eyer, unnd meell mach ein teüglein damit an, be
streich das hun damit, die fünfte farb, ist schwartz
nimb eyer, unnd meell, unnd negellein stup, mach ein
deüglein an, bestreich das hun darmit, die grab
mach allso, so nimb negellein doch nit zu vill, alls zu
der schwartzen brüe, machs eben wie die anndern teüg=
lein, bradts fein süttiglich, giebs darnach auff dem
düsch, allso hast du die gebratten hüenner mit sechs
farben.
Zungen kräpflein sollt du
allso machen.
Item so nimb das best in der mit von einer ochsen
zungen, wanns zu vor gesotten ist, hackhs klein, ge=
würtz mit Imber, unnd pfeffer, unnd negellein stupp,
unnd zimet rinden, saltz recht, zuckhers auch zimblich,
thue•