17v La Complainte de monseigneur Joffroi de Sergines

Ci en coumence la complainte
de mon seigneur joffroi de sergines

Qui de loiaul cuer et de fin
Loiaument juques en la fin
A dieu servir defineroit
Qui son tens ⋅ i afineroit
De legier devroit defineir
Et finement vers dieu fineir.
Qui le sert de pensee fine
Cortoisement ⋅ en la fin fine
Et por ce le sunt rendu maint
Quenvers celui qui la sus maint
Puissent fineir ⋅ courtoizement
Sen vont li cors ⋅ honteuzement
Se di ge por religieux
Car chacuns deulz ⋅ nest pas prieulz
Et li autre ⋅ ront getei fors