14r

Or est en tribulacion
La Terre · de Promission ·
A pou de gent · toute esbahie
Sire Diex · por quoi loblion
Quant por notre redemption
I fu · la chars · de Dieu trahie
Hom lor envoia · en aie
Une gent despite · et haie
Et ce fut · lor destrucion
Dou roi durent avoir la vie
Li rois ne la pas a sa vie ^{1at BNF fonds français 837, folio 326r we read "assouvie" which we consider the reading that makes the most sense.}(assouvie in Zink)
Or guerroient sa nacion

Hom sermona · por la croix prendre
Que hom cuida · paradix vendre
Et livreir · de par lapostole
Hom pot bien · le sermon entendre
Mais a la croix · ne vout nuns tendre
La main · por piteuze parole
Or nos deffent · hon la quarole
Que cest ce · que la terre afole
Se nos welent li frere aprendre
Mais fauceteiz · qui par tot vole
Qui crestiens · tient a escole
Fera · la Sainte Terre rendre

Que sunt li denier devenu
Quentre · Jacobins et menuz
Ont receuz · de testamens
De bougres por loiaux tenuz
Et duzeriers vielz et chenuz
Qui se muerent soudainnement
Et de clers · ausi faitement
Dont il ont grant aunement
Dont li oz Dieu · fust maintenuz
Mais il en font · tot autrement
Quil en font lor granz fondemenz
Et Diex remaint · la outre nuz

De Grece vint · chevalerie
Premierement · danceserie
Si vint en France et en Bretaingne
Grant piece i at estei chierie
Or est a mainie escherie
Que nuns nest teiz quil la retaingne
Mort sunt Ogiers · et Charlemainne
Or sen vont · que plus ni remaingne
Loyauteiz est · morte et perie
Cestoit · sa monjoie · et sensaingne
Cestoit · sa dame · et sa compaingne
Et sa maistre · habergerie

Coument amera · sainte Eglize
Qui ceux nainme · par con la prize
Je ne voi pas · en queil meniere
Li rois ne fait · droit ne justize
A chevaliers · ainz les desprize
Et ce sunt cil · par quele est chiere
Fors tant quen prison · fort et fiere
Met lun avant et lautre ariere
Ja tant niert hauz hom · a devise
En leu de Nainmon de Baviere
Tient li rois · une gens doubliere
Vestuz de robe ·blanche et grise

Tant fas je bien · ſavoir le roi
Sen France sorsist .I. desroi
Terre ne fu · si orfeline
Qui les armes · et le conroi
Et le consoil · et tout lerroi
Laissast hon · sor la gent devine
Lors si veist hon · biau couvine
De cex qui France · ont en saisine
Ou il na mesure · nelroi
Sou savoient · gent tartarine