11v La Desputizons dou Croisie et dou Descroisie

OverviewTranscribeVersionsHelp

Facsimile

Transcription

Status: Incomplete
Show Translation

La mauvaistiez quen toi samort
Te tient a losteil se devient
Que feras se la mors te mort
Que ne ceiz que li tenz devient

Li mauvais desa demorront
Que ja nuns boens ni demorra
Com vaches en lor liz morront
Buer iert neiz qui delai morra
Jamais recovreir ne porront
Fasse chacuns mieux quil porrat
Lor peresce en la fin plorront
Et sil muerent nuns nes plorra

Ausi com par ci le me taille
Cuides foir denfer la flame
Et acroire et metre a la taille
Et faire de la char ta dame
A moi ne chaut coument quil aille
Mais que li cors puist sauver lame
Ne de prison ne de bataille
Ne de laissier enfans ne fame

Biaux sire chiers que que dit aie
Vos maveiz vaincu et matei
A vos macort a vos mapaie
Que vos ne maveiz pas flatei
La croix preing sans nule delaie
Si doing a Dieu cors et chatei
Car qui faudra a cele paie
Mauvaisement avra gratei

En non dou haut Roi glorieux
Qui de sa fille fist sa meire
Qui par son sanc esprecieux
Nos osta de la mort ameire
Sui de moi croizier curieux
Por venir a la joie cleire
Car qui a same est oblieux

Bien est raisons quil le compeire
Explicit

Notes and Questions

Nobody has written a note for this page yet

Please sign in to write a note for this page