61r

[col.a]

Li plus hardis et li plus prous
Autre fremis heit durement
En la pouriere voirement
Se muce tant est veziiez
Qant li autre vienent chargie
Seur eaus de la pouriere saut
Si les ocist si les assaut
Segnor por dieu qui ne menti
Prenez garde au petit fremi
Qui est avenanz et sages
Por que noistre ses avantages
Atraiez dou froment asseiz
Tant com si bel estei aveiz
Et tant com vouz aveiz loisir
Que aseur puissiez veniR
Au dur yver ce est a dire
A cel jor dou dolereus ire
Qant li bon sen iront a destre
Et li malvais devers senestre
Soiez pensif et curious
Dentrer as noces od lespous
Si que voz lampes soient plaine^s
De bones oevres et certaines
Cest de loile de charitei
Je vouz di bien par veritei
Cil entreront je vous affi
O lespous au riche convi
Qui aront lor lampes enplies
De bones oevres en lor vies
Et qui sa lampe vuide avra
Sachiez que ja ni enterra
Ains remanra par veritei
En duel et en chaitivetei
En feu ardant en grant torment

[10th line: opening initial /S/, 2 lines, in red with 12 lines of (faint) blue pen filigree]

[marginalia: 1) col.a, lines 4 and 10, small crosses indicating a changing of order; 2) same col., line 8, very faint and tiny cue initial "s"]

[col.b]

Qui durra parmenablement.

[Seven-line illustration: illumination with gold foil background showing, left to right: a siren making two sailors fall asleep on a ship with her song; a group of people in bed to symbolize lust; two lovers embracing (to symbolize chaste love?); a wise and chaste man, who turns away from the scene (breaking the right frame), deaf to the temptations of the world]

la nature de la seraine
De la nati seraine vouz diron
Qui moult a estrange facon
Car des la ceinture en amont
Est la plus bele rien dou mont
En guise de femme formee
Lautre partie est figuree
Comme poissons et com oisel
Tant chante doucement et bel
Que cil qui vont par mer najant
Si tost com il oient cel chant
Ne se pueent mie tenir
Que la nef ni facent venir
Tant leur samble cis chans soez
Quil sendorment enmi la neif
Et quant tresbien sont endormi
Lors sont deceu et trai
Car les seraines les ocient
Si soutielment que mot ne dient
La seraine qui si bien chante
Qui par son chant la gent enchante
Done essample a ceus chastoier
Qui par cest monde vont nagier
Nous qui par cest mont sons passant
Somes deceu par cel chant
Par vaine gloire et par delit

[10th line: opening initial /D/, 2 lines, in blue with red pen filigree; 28th line: opening initial /L/, 2 lines, in red]

[marginalia: 1) top right, quire numeral "lxii" (twice, the second having been half-scratched off), with modern pagination "61" in red; 2) line 3, intercolumn, tiny cue initial "d"; 3) line 28, intercolumn, tiny cue initial "l"]

[top right, two repetitions of quire numeral "lxii"; with modern pagination "61" in red]