ChildbirthPrayer

je devroye & de toutes ces peches icy & de tous aultres oublies que iay fais dit ne pense maulvaisement contre la saincte volente de dieu mon createur & contre lordonnanace de nostre mere saincte esglise dont lennemy me porroit accuser contre mon sauvement devant la face de nostre doulx sauveur iesu crist au iour du iugement Je men soubvies du tout a la misericorde de dieu & men repemens e min convesse a dieu mon pere & a vous sire que este vicaire de dieu en face de sainte esglise e en demande a dieu le tou puissnt pardon e a vous sire absolution. Ceste oraison doit dire femme qui a conceu iusques a son enfantement

Tredoulx benoit iesucrist qui es notre commencenemt e nostre sire sans qui mille chose ne peut venir a perfection que sanctifias la benoite vierge marie e ieremie le prophete e monsiegneur saint iehan baptsite avant qui ilz feussent onque ne la ou il estoit encore ou ventre de leurs meres entant que monseigneur sanin iehan baptiste la ou il navoit ou ventre sa mere que vi mois il congneut que ta douce mere tavoit concey en ce esioui Je te prie tant comme ie puis que ainsy qui ta pleu par ta tres grant bonte moi donner concepvoir le fruit que ie porte en mon ventre de quoy ie te regracie & remercie ainsi quil te plaise le defendre de toutes choses qui

le pouroient nuire e le mener a deue perfection, et le moy donner porter e enfanter a ioie e a fante. Car en ta garde et en ta protectin ie metz moy et luy et te prie que il te plaise que tu nous y prengues e notre douce dame vierge marie qui portastes votre doulx enfant sans sans nulle doleur, et votre saint ieremie et saint iehan baptiste e tous le sains et toute les saintes ie vous prie que de cecy il vous plaise prier ler doulx iesus crist: et ie li prie que vous en vuel le oyr par sa doulceur. Amen Cest oroison doit dire femme qui traveille Helas tresdoulx benoit iesu crist Ainsy vrayement come ie croy que vous

naquistes de la benoite vierge marie a tres grant ioie Delle sans ce quelle en sentist oncques mal ne douleur. Ainsi ie vous prie que vous et elle me soies en aide en mon enfantement Amen.

This page is not corrected, please help correct this page