435v

Item interogatus dictus testis loquens et diligenter
examinatus super interogationibus generalibus
? si fuit doctus instructus rogatus requisitus vel
subornatus pro huiusmodi testimonio ferendo.
Item si prece pretio amore timore vel favore
aut amicitia vel inimicitia alterius dictarum
partium deposuit testificata per eum. Item
si est consanguineus vel afinis dicti Petri Hugueti
ad singula singulariter iuramento respondit quod non

Anno et die quibus supra Nicolaus de Salis
surgicus habitator dicte civitatis Massilie testis
pro parte dicti Petri Hugueti citatus
et produtus iuravit in presencia dicti domini Bertrandi
Gomberti procuratoris partis adverse ad sancta
dei evangelia dicere et deponere veritatem de
et super his de quibus fuerit interogatus. Et deposuit
dictum die xviiii predicti mensis Februarii qui
iuramento suo interogatus et diligenter examinatus.