421v

tanquam ingrata et in iniuriam dicti Petri eundem
Petrum patronum suum et dominum in judicio vocari
fecit causa litigandi cum eodem et litigavit
per plures menses in curia regia Massilie et in judicio
nulla venia petita seu obtenta judice habente
potestatem veniam dandi seu concedendi et ita
est publicum et notorium quod ipsa fecit ipsum Petrum
pignerari citari et conveniri coram diversis judicibus
in dicta curia regia Massilie litigando cum eodem.

.v. Item probare intendit quod dicta Magdalena dicit
omne malum et tractat quod potest de dicto Petro
in judicio et extra.

.vi. Item probare intendit quod dicta Magdalena fama
publica deferente fuit sclava et serva dicti Petri
et ut servam eam tenuit idem Petrus per decem
annos et ultra.

vii Item quod de predictis omnibus et eorum singulis est publica vox
et fama inter noticiam premissorum habentes.