Yates Thompson 47 f. 83

(165)

¶ Off hevenly colour was his coote armvre
The ffeeld azour of gold crownys thre
In tookne he was by Recoord of scrypture
kyng and martir his legende whoo lyst se
The thrydde crowne tokne of virginite
he with a spere sharp and kene grou[n]de
Gaff the tyrau[n]t his last fatal wou[n]de

¶Geyn goddys wyl may be no Reffure
Thus vnto hym Edmund gan speceffye
Haue thyn axing haue here thy trybute
Guerdou[n] covenable a geyns fals tyrannye
Sweyn affrayed lowde gan to crye
yale vp his goost I not what weye he took
ut with the noyse al the castel wook